Namutoni
Namutoni | |
---|---|
![]() Fort Namutoni | |
Koördinate: 18°48′S 16°59′O / 18.800°S 16.983°OKoördinate: 18°48′S 16°59′O / 18.800°S 16.983°O | |
Land | ![]() |
Streek | Oshikotostreek |
Tydsone | UTC+2 (SAT) |
Namutoni is 'n ruskamp geleë op die rand van die Etoshapan in die Oshikoto-streek in die noorde van Namibië. Dit is een van die toegangshekke na die Nasionale Etoshawildtuin. Die mees prominente struktuur by Namutoni is Fort Namutoni, gebou in 1896. Dit was oorspronklik 'n Duitse polisiepos en, as deel van die Rooilyn, 'n veeartsenykundige beheerpunt. Die Rooilyn het destyds uitgebrei na Okaukuejo in die weste en Otjituuo in die ooste. [1]
![](http://upload.wikimedia.org/wikipedia/commons/thumb/b/bd/Shelter_for_wildlife_observation%2C_Namibia_%282014%29.jpg/260px-Shelter_for_wildlife_observation%2C_Namibia_%282014%29.jpg)
Later is Namutoni gebruik om Engelse gevangenes tydens die Eerste Wêreldoorlog aan te hou. Die oorspronklike fort is in 1904 na die Slag van Namutoni vernietig en 'n jaar of twee later herbou. Fort Namutoni is in 1947 deur die Suidwes-Afrika Monumenteraad tot Nasionale Monument verklaar. [2] Die huidige fort is in 1957 in sy huidige toestand herstel en dien nou grootliks as 'n gastehuis (lodge), oornagplek en uitsigpunt vir besoekers aan die Etosha Nasionale Park.
Verwysings[wysig | wysig bron]
- ↑ Dierks, Klaus. "Chronology of Namibian History, 1897". Geargiveer vanaf die oorspronklike op 4 Maart 2016. Besoek op 6 November 2015.
- ↑ Dierks, Klaus. "Chronology of Namibian History, 1947". Besoek op 30 Oktober 2017.