Die Goue Berge van Altai (Russies: Золотые горы Алтая) is die naam van ’n Unesco-wêrelderfenisgebied in Rusland. Dit bestaan uit die Altai- en die Katoen-natuurreservaat, Teletskoje-meer, Beloecha-berg en Oekok-plato.
Volgens Unesco verteenwoordig die gebied "die volledigste reeks bergplantegroeisones in Sentraal-Siberië – van steppe, woudsteppe en gemengde woude tot subalpynse en alpynse plantegroei".[1]
Die streek se belangrikheid is ook genoem in die bewaring van wêreldwyd bedreigde soogdierspesies, soos die sneeuluiperd en Altaïese argali. Die gebied is sowat 16 175 km2 groot.[2]