Wikipedia:Voorbladartikel week 50 2005
![](http://upload.wikimedia.org/wikipedia/commons/thumb/7/71/Zuerich_vier_Kirchen.jpg/250px-Zuerich_vier_Kirchen.jpg)
Zürich is die grootste stad en ekonomiese sentrum van Switserland met 366 145 (2004) inwoners in die stad en 1 091 732 inwoners in die metropolitaanse gebied. Zürich is ook die hoofstad van die gelyknamige kanton en beskik oor die belangrikste internasionale lughawe van Switserland, Zürich-Kloten.
Die naam Zürich is waarskynlik afgelei van die Keltiese woord Turus. In die Romeinse tydperk staan die stad onder sy Latynse naam Turicum bekend, terwyl dit in die plaaslike Duits-Alemanniese dialek Züri genoem word.